Приведени двајца возачи на мопеди без дозвола во Битола

Двајца жители на Битола биле лишени од слобода во текот на една вечер откако полициски контроли утврдиле дека управувале мопеди без да поседуваат возачка дозвола.

— реклама —

Според информациите од СВР Битола, првиот случај бил регистриран на 3 јуни во 21:15 часот на улицата „Батаљон Стив Наумов“, каде што бил запрен мопед со битолски регистарски ознаки управуван од М.А. (34) од Битола. При контролата било утврдено дека возачот не поседува возачка дозвола.

— реклама —

— реклама —

Само час и половина подоцна, во 22:45 часот на улицата „Виенска“, полициски службеници запреле уште еден мопед со битолски регистарски ознаки. При контролата било констатирано дека и возачот А.Е. (18) од Битола управувал без возачка дозвола.

Двајцата биле лишени од слобода, а по целосното документирање на случаите против нив ќе бидат поднесени соодветни пријави.