СДСМ преку соопштение обвини дека претставници на власта признале дека претходните критики кон Преспански договор биле неосновани и побара јавно извинување до граѓаните.
Од партијата посочуваат дека Христијан Мицкоски изјавил дека Преспанскиот договор е „ремек-дело на дипломатијата“, додека Тимчо Муцунски оценил дека членството во НАТО е „феноменална работа“.
Во соопштението се наведува и дека Гордана Сиљановска-Давкова признала дека прашањето за македонскиот јазик, култура и национален идентитет е „апсолвирано“.
„Сега е ред да се извинат на граѓаните за сите лаги, навреди и кампањи со кои ги плашеа луѓето дека ќе го загубиме името, јазикот и идентитетот“, наведуваат од СДСМ.
Од партијата додаваат дека не бараат извинување за себе, туку за граѓаните кои, според нив, биле „измамени, исплашени и манипулирани“.
