„Процентуалниот раст на нето-платата во првите две години на ВМРО-ДПМНЕ е за 75% повисок отколку во времето на СДС и ДУИ“, вели Стојаноски

Растот на просечната нето-плата во првите две години од владеењето на ВМРО-ДПМНЕ е за околу 75 проценти повисок од растот во истиот период за време на владите на СДСМ и ДУИ, покажуваат податоците што ги презентира пратеникот Бојан Стојаноски, повикувајќи се на бројките на Државниот завод за статистика.

Според неговата споредба, просечната месечна исплатена нето-плата по вработен во јуни 2017 година, во периодот на владата на СДСМ и ДУИ, изнесувала 22.808 денари, додека во јуни 2019 година достигнала 25.205 денари. Тоа претставува зголемување од 2.397 денари, односно околу 10,5 проценти.

— реклама —

Во првите две години од владеењето на ВМРО-ДПМНЕ, според податоците што ги наведува Стојаноски, просечната нето-плата се зголемила од 40.961 денар во јули 2024 година на 48.499 денари во јули 2026 година. Разликата изнесува 7.538 денари, односно раст од околу 18,4 проценти.

— реклама —

Според пресметките, апсолутната разлика меѓу зголемувањето на платите во двата периода изнесува 5.141 денар, додека процентуалниот раст во првите две години на ВМРО-ДПМНЕ е за околу 75 проценти повисок од оној во периодот на владите на СДСМ и ДУИ.

Стојаноски прави и споредба на просечното месечно зголемување на нето-платата. Во периодот што го опфаќа неговата анализа, за време на владите на СДСМ и ДУИ, платата растела во просек за околу 100 денари месечно, додека во првите две години на ВМРО-ДПМНЕ зголемувањето изнесувало околу 314 денари месечно.

— реклама —

Според него, тоа значи дека растот на просечната нето-плата изразен во денари бил околу 3,15 пати поголем во првите две години на владата на ВМРО-ДПМНЕ во споредба со соодветниот период за време на владите на СДСМ и ДУИ.