Продажбата на станови паднала за 14 отсто, закупите пораснале за 45 отсто во третиот квартал

Пазарот на недвижности во Македонија во третиот квартал од 2026 година бележи намалена активност кај купопродажбите, додека кај закупите е забележан раст на бројот на склучени договори, покажуваат податоците на Агенцијата за катастар на недвижности.

— реклама —

Во периодот јули – септември биле регистрирани 7.679 трансакции, што е намалување од 8,2 отсто во споредба со претходниот квартал. Бројот на купопродажби се намалил за 12,1 отсто, додека кај закупите е забележан раст од 2,8 отсто.

— реклама —

Вкупната финансиска вредност на пазарот достигнала 339 милиони евра, што претставува пад од 3,6 отсто. Од оваа сума, 337,8 милиони евра се однесуваат на купопродажби, чија вредност е намалена за 3,6 отсто, додека вредноста на закупите изнесува 1,1 милион евра, со пад од 10,2 отсто.

— реклама —

Најизразени промени се забележуваат кај пазарот на станови. Продажбата е намалена за 14 отсто, а вкупната финансиска вредност на продадените станови за 6 отсто. Наспроти тоа, бројот на закупени станови пораснал за 45 отсто, а вкупната месечна закупнина е зголемена за 31 отсто во однос на претходниот квартал.

— реклама —

Од Агенцијата оценуваат дека пазарот бележи различни движења во двата сегмента – намалена активност кај купопродажбите и раст на бројот на договори за закуп, но пад на вкупната вредност на закупите.