Општина Аеродром информира дека деновиве на целата територија на општината се спроведува редовна пролетна дератизација, со цел заштита на јавното здравје и превенција од појава и ширење болести што ги пренесуваат глодачите.
Во рамки на акцијата се опфатени околу 3.000 шахти, во кои се поставуваат вкупно 9.000 мамци.
Активностите ги опфаќаат и сите основни училишта и детски градинки на територијата на општината.
Дератизацијата ја спроведува Центар за јавно здравје - Скопје.
Од Општина Аеродром посочуваат дека грижата за здравјето и безбедноста на граѓаните останува приоритет, а пролетната и есенската дератизација се дел од континуираните активности за одржување чиста, безбедна и здрава животна средина.
