Асоцијацијата на тениски професионалци (АТП) ја објави најновата светска ранг-листа, на која Новак Ѓоковиќ ја задржа петтата позиција со 3.760 бодови.
На врвот и понатаму е Јаник Синер со 13.450 поени, додека во Топ 3 има промена. Карлос Алкараз повторно се искачи на второто место со 8.160 бодови, откако Александер Зверев загуби 360 поени освоени лани на турнирот во Канада и сега е трет со 8.120 бодови.
Четвртата позиција ја задржа Феликс Оже-Алијасим со 4.740 поени.
Данил Медведев напредуваше за едно место и сега е шести со 3.620 бодови, додека Алекс де Минор падна на седмата позиција со 3.560 поени. Флавио Коболи се искачи на осмото место со 3.330 бодови, Тејлор Фриц е деветти со 3.230, а Бен Шелтон го комплетира Топ 10 со 2.680 поени.
Од останатите српски тенисери, Миомир Кецмановиќ назадуваше за две позиции и сега е 62. со 925 бодови. Хамад Меѓедовиќ остана на 73. место со 844 поени, Душан Лајовиќ е 149. со 378 бодови, а Ласло Ѓере се наоѓа на 207. позиција со 268 поени.
Во тек е Мастерс-турнирот во Монтреал, кој ќе трае до 13 август.
