Српскиот тенисер Миомир Кецмановиќ се пласираше во второто коло на АТП Мастерс турнирот во Монтреал, откако по голема борба го совлада Американецот Мајкл Џенг со 6:4, 4:6, 7:6 (7:5).
Мечот беше прекинуван поради дожд, што дополнително ги отежна условите за игра. Кецмановиќ успеа да ја задржи концентрацијата во решавачките моменти и по тај-брејкот во третиот сет да обезбеди место во следната рунда.
По натпреварот, српскиот тенисер призна дека условите биле исклучително напорни.
„Навистина беше тежок меч во секоја смисла. Веќе два дена сме во клубот од осум часот наутро, а завршуваме во осум навечер. Беше навистина тешко. Среќен сум што го преживеав сето тоа и издржав до крајот. Се надевам дека на следниот меч ќе биде подобро“, изјави Кецмановиќ.
Тој истакна дека најголем предизвик му е да ја задржи константноста во играта и да ги намали осцилациите во настапите.
Во второто коло Кецмановиќ ќе се соочи со Французинот Артур Риндеркнеш, кој е 29. тенисер во светот. Натпреварот е закажан за четврток од 16 часот.
„Игравме повеќепати и двајцата имаме победи во меѓусебните дуели. Најважно е да одиграм на моето ниво, па ќе се надеваме на најдоброто“, порача српскиот тенисер.
