Пронајден починат мигрант кај Гевгелија

Починат мигрант бил пронајден вчера на местото викано „Мрзенско Поле“, во атарот на селото Мрзенци, во гевгелискиот регион, соопшти Министерството за внатрешни работи.

— реклама —

Според информациите, околу 11:52 часот, група мигранти од Пакистан преку мобилен телефон побарала помош. По пристигнувањето на местото, полициските службеници затекнале тројца мигранти без лични документи, кои изјавиле дека се државјани на Пакистан, како и починато лице за кое рекле дека било нивен 36-годишен сопатник.

— реклама —

— реклама —

Лекар констатирал смрт кај лицето, при што не биле забележани траги на насилство. По наредба на јавен обвинител, телото е предадено на обдукција за утврдување на причините за смртта.

— реклама —

Тројцата мигранти се пренесени во Прифатниот центар „Винојуг“ во Гевгелија.