Пронајдена дрога во Гостивар и Тетово, тројца приведени

Во две одделни полициски акции во Гостивар и Тетово, приведени се четири лица, а при интервенциите била пронајдена дрога, соопшти Министерството за внатрешни работи.

— реклама —

На 22 јули во 17:40 часот на улицата „ЈНА“ во Гостивар, полициски службеници од ОВР Гостивар ги лишиле од слобода Д.С. (27) и Ј.Х. (27), двајцата од Гостивар. При преглед кај Д.С. била пронајдена бела прашкаста материја, додека кај Ј.Х. била пронајдена банкнота од 1.000 денари со остатоци од бела материја. По целосно документирање на случајот, против двајцата ќе бидат поднесени соодветни пријави.

— реклама —

— реклама —

Во вториот случај, на 23 јули во 02:55 часот, полициски службеници од СВР Тетово ги лишиле од слобода Ј.Ѓ. (23) од село Нераште и З.Д. (27) од село Бозовце. Тие биле затекнати на крстосницата меѓу улиците „Борис Кидрич“ и „Благоја Тоска“ во Тетово, каде што го нарушувале јавниот ред и мир со меѓусебна физичка пресметка.

— реклама —

При преглед кај Ј.Ѓ. биле пронајдени четири пакувања марихуана, по што тој бил задржан во полициска станица за понатамошна постапка. По целосното документирање на случајот, против двајцата ќе бидат поднесени соодветни поднесоци.