Пукање во судница во Тирана – убиен судија, две лица повредени

Во Апелациониот суд во Тирана денеска се случи вооружен инцидент со трагичен исход, кога судијата Астрит Калаја беше смртно застрелан за време на судење. Иако веднаш бил пренесен во Клиниката за трауматологија, лекарите не успеале да му го спасат животот.

— реклама —

Напаѓачот, Ѓан Шкемби, отворил оган кон судијата во моментот кога тој започнал да ја чита пресудата во неговиот предмет. Во пукањето биле повредени и две лица – татко и син – кои, според првичните информации, се надвор од животна опасност.

— реклама —

— реклама —

Случајот што го водел Калаја се однесувал на спор за сопственост на поранешна училишна зграда во Скадар, каде што живееле 31 семејство. Според обвиненијата, Шкемби со фалсификувани документи се обидел да стане сопственик и да ги исели станарите.

— реклама —

Се спроведува истрага за тоа како сторителот успеал да внесе пиштол во судот, иако објектот е под високи безбедносни мерки и има метал детектори на влезот.