Жител на тетовското село Непроштено пријавил во полиција дека во близина на неговиот дом биле испукани повеќе истрели од огнено оружје, при што два проектили завршиле во оградата на неговата куќа.
Како што информира Министерството за внатрешни работи, на 20 јули околу 22:25 часот во Полициското одделение Теарце, Љ.П. (53) пријавил дека додека седел во дворот од својот дом слушнал повеќе истрели, а потоа забележал два проектили во оградата.
Во инцидентот нема повредени лица. Полициски екипи извршиле увид на местото, а се преземаат мерки за целосно расчистување на случајот.
