Путин: Би можеле да го прекинеме снабдувањето со гас за Европа

Рускиот претседател Владимир Путин денеска изјави дека Русија би можела веднаш да престане со снабдување на европските пазари со гас и да се насочи кон, како што рече, „поперспективни пазари“, додека Европската Унија подготвува нови ограничувања за увоз на руска енергија.

— реклама —

Според информации на европски претставници и документ во кој увид имал Ројтерс, Европска комисија на 15 април ќе поднесе законски предлог за трајна забрана на увозот на руска нафта, само три дена по парламентарните избори во Унгарија.

Во разговор со новинарот на руската државна телевизија Павел Зарубин, Путин изјави дека се отвораат нови пазари кон кои Москва би можела да се пренасочи.

— реклама —

„Сега се отвораат други пазари. Можеби би ни било поисплатливо веднаш да престанеме со снабдување на европскиот пазар и да се насочиме кон тие пазари и таму да се етаблираме“, рече рускиот лидер.

— реклама —

Тој нагласи дека станува збор за размислување, а не за донесена одлука.

„Ова не е одлука, туку размислување наглас. Сепак, ќе ѝ наложам на владата да работи на ова прашање заедно со нашите компании“, додаде Путин.

— реклама —

Рускиот претседател повтори дека Русија, според него, отсекогаш била сигурен снабдувач со енергија и дека ќе продолжи да соработува со партнери кои ги смета за доверливи, меѓу кои ги посочи Словачка и Унгарија.