Рускиот претседател Владимир Путин порача дека Русија нема да оди низ светот и да бара „милостина“, истакнувајќи дека земјата мора да продолжи со сопствениот економски развој. Тој ова го кажа на првата седница на новиот состав на Државната дума во Москва, каде што ги повика пратениците на тесна соработка со владата.
„Русија, за разлика од некои други – нема да вперуваме прст – не може да се понижува, да трча низ светот и со испружена рака да бара милостина“, рече Путин, во изјава која очигледно се однесуваше на Украина.
Путин оцени дека рускиот финансиски систем и економијата функционираат стабилно, но ги повика надлежните да бидат внимателни во справувањето со економските предизвици.
„Рускиот финансиски систем и економијата функционираат сигурно. Најважно е да не се прават грешки и одговорно да се пристапи кон решавањето на задачите во овие исклучително важни области“, порача рускиот претседател.
Во исто време, Украина и натаму се потпира на надворешна финансиска поддршка за финансирање на воениот буџет и одбранбените потреби. За 2026 година Киев побара дополнителни 27 милијарди долари.
Од Меѓународниот монетарен фонд порачаа дека продолжувањето на предвидливата надворешна поддршка е клучно за одржување на макроекономската стабилност на Украина и за финансирање на нејзиниот буџет.
