Руски полковник загина во експлозија на автомобил во Санкт Петербург

Руски воен полковник загинал во експлозија на автомобил во Пушкинскиот округ во Санкт Петербург, соопшти градскиот Истражен комитет, а пренесуваат руските медиуми.

— реклама —

Според информациите на порталот „Клеш рипорт“, загинатиот бил главен навигатор на 6. армија на руското Воено воздухопловство и противвоздушна одбрана.

— реклама —

Експлозивната направа била поставена под неговото возило и активирана далечински на Колпинскиот автопат, во моментот кога тој излегувал од дворот на станбен комплекс. Полковникот им подлегнал на повредите на самото место. Според украинските медиуми, во близина се наоѓал и член на неговото семејство, кој бил повреден.

Од Истражниот комитет информирале дека истражители и форензички експерти, заедно со оперативните служби, извршиле увид на местото на настанот. Отворена е кривична постапка, а околностите на експлозијата се утврдуваат.

— реклама —

Ова е втор речиси идентичен напад со експлозивна направа поставена под возило, насочен кон висок офицер на руското Воено воздухопловство и противвоздушна одбрана, во истото подрачје во изминатите три месеци.

— реклама —