Првиот пациент третиран со руската вакцина против рак без нови метастази

Кај првиот пациент кој ја примил руската персонализирана вакцина против рак не се откриени метастази, соопшти научниот директор на Националниот истражувачки центар за епидемиологија и микробиологија „Н. Ф. Гамалеја“, Александар Гинцбург.

— реклама —

Пациентот го завршил лекувањето и сега ќе биде под редовен лекарски надзор во следните три години, со месечни контроли. Последните резултати од компјутерската томографија не покажале нови промени во ткивото, а посебно внимание било посветено на лимфните јазли.

— реклама —

Вакцината „НеоОнковак“ се заснова на технологијата на информациска РНК (мРНК), со која имунолошкиот систем се насочува сам да ги препознава и уништува малигните клетки и метастазите.

— реклама —

Препаратот се изработува индивидуално за секој пациент, врз основа на неговите генетски податоци, бидејќи секој тумор има различни карактеристики.

— реклама —

Вакцината првпат била применета во април годинава кај пациент со меланом на кожата. Проектот е развиен во соработка меѓу Националниот медицински истражувачки центар за радиологија и истражувачкиот центар „Н. Ф. Гамалеја“ во Русија.