Претседателот на Бугарија, Румен Радев, денеска и утре ќе престојува во официјална посета на Париз и Брисел, каде што ќе оствари средби со повеќе европски лидери.
Во Париз, Радев ќе се сретне со францускиот претседател Емануел Макрон. Средбата ќе се одржи во Елисејската палата, каде што бугарскиот претседател ќе биде пречекан со почесна гарда.
Според најавите, Радев и Макрон ќе разговараат за прашања поврзани со билатералната соработка меѓу двете земји, како и за актуелни теми од европската агенда.
По посетата на Франција, Радев ќе отпатува за Брисел, каде што ќе има средба со белгискиот премиер Барт де Вевер.
Утре, бугарскиот претседател ќе се сретне и со генералниот секретар на НАТО, Марк Руте. На агендата се и разговори со претседателката на Европската комисија, Урсула фон дер Лајен, како и со претседателот на Европскиот совет, Антонио Коста.
