Рама по уништувањето на Колеџот на Европа во Тирана: Одговорните ќе се соочат со последици

Албанскиот премиер Еди Рама порача дека Албанија нема да отстапи од патот кон Европската Унија, реагирајќи на оштетувањето на просториите на Колеџот на Европа во Тирана за време на вчерашниот протест.

— реклама —

Обраќајќи се од оштетените простории, Рама го оцени објектот како симбол на случувањата во главниот град и ја обвини опозицијата дека се обидува да го попречи европскиот пат на земјата.

— реклама —

— реклама —

Тој предупреди дека сите за кои ќе се утврди дека се одговорни за насилството и причинетата штета за време на протестот ќе се соочат со последици.

И покрај инцидентите, Рама истакна дека Албанија нема да се врати назад во евроинтегративниот процес. Според него, иднината на земјата е поврзана со студентите и граѓаните, а европската определба ќе продолжи и покрај случувањата.