Ескалација на протестите: Дрон со екскплозив требало да ја погоди зградата на Владата во Тирана, тврди Рама

Албанскиот премиер Еди Рама тврди дека пред два дена бил неутрализиран дрон со експлозив, со кој наводно се планирало да биде нападната зградата на албанската влада и да се предизвика пожар во внатрешниот двор.

— реклама —

„Пред два дена беше неутрализиран дрон со експлозив, со кој се планираше да се погоди зградата на владата и да се запали внатрешниот двор“, изјави Рама во обраќање во живо на својата страница на Фејсбук.

— реклама —

— реклама —

Тој оцени дека ниту еден студент не би помислил да спроведе ваков план и посочи дека зад настанот стои „странска рака“. Рама изрази сомнеж и за можна вмешаност на Иран.

— реклама —

Изјавата доаѓа во период на повеќедневни насилни судири меѓу полицијата и демонстрантите во Тирана. Албанскиот премиер претходно ја осуди наводната вмешаност на странски фактори во протестите, тврдејќи дека нивната цел е да го попречат пристапувањето на Албанија во Европската Унија.