СДСМ преку соопштение наведува дека според најновите податоци на Државниот завод за статистика, инфлацијата во април оваа година бележи раст од 5,7% во споредба со истиот месец во 2025 година, што е доказ за неуспешни економски политики на Владата.
Од опозициската партија посочуваат дека ова е значително повисоко ниво на инфлација од просекот во еврозоната, каде што таа изнесува околу 3%.
СДСМ тврди дека најголем пораст на трошоците е забележан кај храната, со зголемување од околу 8%, што директно го удира животниот стандард на граѓаните.
Од таму додаваат дека цените на основните производи и сметките континуирано растат, додека синдикалната кошничка во април достигнала речиси 69.000 денари.
Опозицијата ја обвинува Владата дека не презела мерки за намалување на ДДВ на храната и горивата, ниту за зголемување на минималната плата, како и дека државата се соочува со раст на задолжувањето.
СДСМ оценува дека економската состојба за граѓаните станува сè потешка, со зголемени трошоци и намален животен стандард.
