Раст на каматите на новите кредити, просечната стапка достигна 4,94 проценти

Каматните стапки на банките во Македонија во септември 2026 година бележат мали промени, при што просечната камата на вкупните кредити минимално се зголемила, додека на годишно ниво продолжува трендот на намалување, покажуваат податоците за движењата кај каматните стапки на банките и штедилниците.

— реклама —

Просечната каматна стапка на вкупните кредити изнесувала 4,68 проценти, што е месечен раст, но годишно намалување од 0,17 процентни поени. Кај вкупните депозити, просечната каматна стапка достигнала 2,19 проценти, со месечно зголемување од 0,01 процентен поен и годишно намалување од исто толку.

Каматата на новоодобрените кредити продолжила да расте и достигнала 4,94 проценти, што претставува месечен раст од 0,24 и годишен од 0,47 процентни поени. Кај новопримените депозити, просечната каматна стапка изнесувала 2,70 проценти, со месечно намалување од 0,02 и годишно зголемување од 0,47 процентни поени.

— реклама —

Кај корпоративниот сектор, просечната каматна стапка на вкупните кредити изнесувала 4,36 проценти, со месечен раст од 0,03 процентни поени и годишно намалување од 0,10 процентни поени. Каматата на вкупните депозити на претпријатијата се намалила на месечно ниво за 0,04 процентни поени и изнесувала 2,65 проценти.

— реклама —

Новите кредити за компаниите имале просечна каматна стапка од 5,05 проценти, повисока за 0,37 процентни поени во однос на август и за 0,69 процентни поени на годишно ниво. Каматата на новопримените депозити изнесувала 2,73 проценти, со минимален месечен пад и годишен раст од 1 процентен поен.

Кај домаќинствата, просечната каматна стапка на вкупните кредити останала непроменета и изнесувала 5 проценти, додека на годишно ниво е намалена за 0,24 процентни поени. Вкупните депозити на населението имале просечна каматна стапка од 2,12 проценти.

Каматата на новоодобрените кредити за домаќинствата достигнала 4,77 проценти, со месечен раст од 0,04 и годишен од 0,16 процентни поени. Кај новопримените депозити, просечната каматна стапка изнесувала 2,69 проценти, што е месечно намалување од 0,03 и годишно зголемување од 0,24 процентни поени.