Речиси 1.400 жители на Москва се постари од 100 години

Во Москва моментално живеат речиси 1.400 лица кои имаат 100 или повеќе години, покажуваат податоците на градското одделение за труд и социјална заштита.

— реклама —

Бројот на стогодишници во руската престолнина во последната година се зголемил за речиси 200. Во октомври минатата година во Москва имало околу 1.200 жители постари од 100 години.

— реклама —

Во април годинава, според податоците што ги објавила ТАСС, бројот на жители на Москва на возраст од 100 или повеќе години изнесувал 1.342.

Во главниот град живеат и околу 432.000 лица постари од 80 години, додека повеќе од 65.000 жители имаат над 90 години. За споредба, во октомври минатата година бројот на жители постари од 80 години бил над 415.000, а оние над 90 години биле повеќе од 59.000.

— реклама —

Градоначалникот на Москва, Сергеј Собјанин, на 1 октомври им го честитал Меѓународниот ден на постарите лица на жителите на градот.

Тој им се заблагодарил за нивната грижа, трудот во воспитувањето на децата и внуците и придонесот во развојот на Москва, посакувајќи им здравје, благосостојба и долг и среќен живот.