Речиси 94 проценти од населението во Македонија користи интернет

Интернетот е дел од секојдневието на најголем дел од населението во Македонија. Во првото тримесечје од 2026 година, интернет користеле 93,7 проценти од лицата на возраст од 15 до 74 години, покажуваат податоците на Државниот завод за статистика (ДЗС) за употребата на информациско-комуникациските технологии во домаќинствата и од поединците.

— реклама —

Пристап до интернет од дома имале 91,2 проценти од домаќинствата, што укажува на висока застапеност на интернет-поврзувањето во земјава.

— реклама —

Според статистичките податоци, 81,2 проценти од населението користеле интернет неколкупати во текот на денот. Истиот процент во последните 12 месеци нарачал или купил стоки и услуги преку интернет.

— реклама —

Кога станува збор за употребата на информациско-комуникациските технологии, најзастапено е телефонирањето преку интернет и остварувањето видеоповици. Овој начин на комуникација го користеле 93,5 проценти од испитаниците, преку веб-камера или апликации како Skype, FaceTime, Messenger, WhatsApp, Viber и Snapchat.

Висок е и уделот на размената на пораки преку дигитални платформи. Овој начин на комуникација го користеле 88,4 проценти од населението, главно преку апликациите Skype, Messenger, WhatsApp и Viber.