Речиси цела Македонија во висок ризик од пожари, не палете оган на отворено

Речиси целата територија на државата денеска се наоѓа во зона со висок ризик од пожари, според метеоролошкиот индекс на пожар, информира Центарот за управување со кризи.

— реклама —

Високиот ризик е означен со портокалова боја, а исклучок се Шар Планина и околината на Охрид и Ресен, каде што е регистриран среден индекс на ризик, означен со жолта боја.

— реклама —

Од ЦУК предупредуваат дека поради актуелните временски услови постои зголемена опасност од избувнување и брзо ширење на пожари на отворен простор, како и шумски пожари со висок интензитет.

— реклама —

Центарот апелира до граѓаните на максимална внимателност и одговорно однесување при престој и движење во природа, особено да не палат и да не оставаат оган на отворено.

— реклама —

Од ЦУК потсетуваат дека доколку се забележи пожар, тој треба веднаш да се пријави на телефонскиот број 112.