Владејачката ВМРО-ДПМНЕ преку соопштение соопшти дека преку спроведувањето на Реформската агенда досега се обезбедени 31,7 милиони евра од Планот за раст, наменети за дигиталната трансформација на државата.
Од партијата наведуваат дека средствата се резултат на реализирани реформи, донесени законски решенија и исполнети обврски, а не на политички ветувања. Според нив, дигиталната трансформација треба да овозможи побрзи и поефикасни услуги за граѓаните, намалување на бирократијата и пократки административни постапки.
Во соопштението се посочува дека во текот на 2025 година бил усвоен обемен пакет закони од областа на дигиталната трансформација, со кој, како што велат, се поставени основите за модерна и европски усогласена јавна администрација.
Од ВМРО-ДПМНЕ оценуваат дека реформскиот процес ќе продолжи и во наредниот период со цел целосно исполнување на Реформската агенда и понатамошно користење на европските средства.
Воедно, партијата прави споредба со претходната власт, оценувајќи дека наместо застој и блокади, сега има конкретни резултати, реформи и инвестиции кои, според нив, придонесуваат за поефикасна и поконкурентна држава.
