Роден со само 920 грама, Дамјан ја доби најголемата битка – по 93 дена си оди дома

По 93 дена поминати во болница, малиот Дамјан, роден предвреме во 28. гестациска недела со само 920 грама, конечно си заминува дома, во прегратката на своето семејство. Радосната вест ја споделија од Универзитетската клиника за гинекологија и акушерство.

— реклама —

Дамјан уште од првите моменти од животот се соочил со голем број предизвици. Роден со само 920 грама, малото момче поминало 93 дена под болничка грижа, а денес, со тежина од 1.950 грама, го започнува новото поглавје од животот покрај своите најблиски.

Од Клиниката споделија дека Дамјан заминува дома кај мајка му Емилија, татко му Трајче и постариот брат Марио, кој и самиот има слична животна приказна. Пред 12 години, Марио бил роден предвреме, во 30. гестациска недела, со тежина од само 1.180 грама.

— реклама —

Денес, пораснат и силен, Марио ќе има можност да биде покрај својот помал брат и да му биде поддршка во животот.

— реклама —

Од Клиниката му посакаа на малиот Дамјан да биде жив, здрав и безгрижен, да расте опкружен со љубов и да има среќно детство.