гак

Смртта на новороденчето на ГАК е резултат на систем што штити хиерархија, а не живот, вели Левица

Според Левица, смртта на новороденчето на Клиниката за гинекологија и акушерство во Скопје не претставува изолиран инцидент, туку е последица на длабок системски проблем во здравствениот сектор, каде, како што наведуваат, интересите на хиерархијата, бирократијата и формалностите се ставени над човечкиот живот.Од партијата укажуваат дека на ГАК подолг период недостигаат педијатри-неонатолози и дека новата власт предводена од ВМРО-ДПМНЕ имала обврска итно да реагира и да обезбеди стручен кадар, но тоа, според нив, не било сторено, што резултирало со повторување на трагични случаи.Според Левица, интерната документација на ГАК, вклучително и пријавата од началничката на интензивна нега, д-р супспецијалист Елизабета Петковска, укажува дека педијатарката д-р Емилија Бадева извршила долготрајна, повеќекратна и неуспешна реинтубација во траење од околу 20 минути, по што дошло до дестабилизација и смрт на новороденчето.Како што наведуваат од Левица, сведоштвата на специјализантките д-р Деспина Кочова и д-р Мевљане Ислами Лимани потврдуваат дека тие повеќепати ја предупредувале да ја прекине постапката.Левица дополнително наведува дека интерните податоци отвораат сериозни сомнежи за можна употреба на алкохол од страна на д-р Бадева за време на работното време. Според партијата, овие сомнежи биле игнорирани од директорката на клиниката, д-р Ирена Алексиовска Папестиев, како и од надлежните институции.„Директорката не ги известила Министерството за здравство, ДСЗИ ниту Јавното обвинителство цели два месеци, додека ДСЗИ подоцна се ограничува само на формални извештаи за медицинските состојби, без да го утврди суштинскиот причинско-последичен однос помеѓу несоодветната постапка и трагедијата. Министерот за здравство, Азир Алиу и директорот на ДСЗИ, Кирил Лазов, декларативно најавија формирање стручна комисија, но ова останува празна формалност ако не се обезбеди независна контрола и санкција на одговорните. Системот не овозможува вистинска контрола или санкции, дури и кога постојат сомнежи за алкохол или несоодветна постапка. Семејството на починатото новороденче, оставено без вистина и објаснување, се соочува со неизмерна болка и траума, жртвувајќи се на истиот систем кој ги штити своите формалности над животот. Недовербата и стравот што ги создава институционалниот молк се дополнителна неправда и трагедија. Овој случај е симптом на пазаризација, бирократизација и хиерархизација на здравството, што ги загрозува животите наместо да ги штити. Јавното здравство е претворено во инструмент за заштита на статус-квото, наместо да биде гарант на универзална грижа“, стои во соопштението.Според Левица, неопходно е:Итна, независна и транспарентна истрага од Јавното обвинителство за сите аспекти на случајот;Одговорност за директорката д-р Ирена Алексиовска Папестиев, педијатарката д-р Емилија Бадева и сите лица кои, според наводите, прикривале информации;Јавно објавување на обдукцискиот наод на новороденчето;Законски измени што ќе овозможат реална контрола на медицинските постапки, вклучително и тестирање за супстанции во критични оддели;Крај на културата на молк и заштита на хиерархијата над животите;Темелна реформа кон јавно, транспарентно, колективно и социјално здравство;Итна едукација и вработување на дополнителни педијатри-неонатолози.Од Левица дополнително го отвораат прашањето дали на ГАК постои јасен протокол за соработка со Детската клиника и Детската хирургија и дали навремено се прифаќаат сите новороденчиња за кои е проценето дека им е потребна специјализирана стручна помош.„Секое новороденче заслужува шанса за живот. Секое семејство заслужува вистина. Секоја институција што молчи – станува соучесник во смрт“, порачуваат од Левица.

Македонија | пред 6 дена

Колабирано белодробно крило и едем на мозокот: Објавени деталите за смртта на новороденчето од Арачиново

Државниот санитарен и здравствен инспекторат (ДСЗИ) излезе со информација дека до него е доставена медицинска документација во врска со смртта на новороденче од Арачиново, кое почина на Клиниката за гинекологија и акушерство во Скопје на 1 октомври. Во документите, како причини за смрт се наведуваат колабирано белодробно крило, тешко нарушено дишење, едем на мозокот и кардиореспираторна инсуфициенција.Ќе се формира стручна комисија, спроведен е и вонреден надзорДиректорот на ДСЗИ, Кирил Лазов, соопшти дека до министерот за здравство е доставена иницијатива за формирање стручна комисија. Нејзина задача ќе биде да утврди дали во третманот на новороденчето имало евентуални медицински пропусти. Во меѓувреме, по наредба на министерот, бил извршен и вонреден инспекциски надзор на Клиниката.Што покажува хронологијата во документацијатаСпоред податоците во медицинските записи, родилката В. И. на 27 септември се јавила на преглед и била хоспитализирана како итен случај на Одделот за патолошка и високоризична бременост. Веќе следниот ден, на 28 септември, било одлучено породувањето да се изврши со царски рез, реализиран во вечерните часови. Родено било живо машко дете во 36. гестациска недела.Префрлување на интензивна и започната терапијаНа 29 септември, неколку часа по раѓањето, новороденчето било префрлено на Одделот за интензивна нега поради средно тежок респираторен дистрес. Рендгенската снимка покажала парцијален пнеумоторакс на левото белодробно крило. Детето било седирано, интубирано и приклучено на апарат за вештачко дишење, а поради сомнение за конгенитална сепса била започната тројна антибиотска терапија. Во лекувањето бил вклучен и детски хирург, кој препорачал конзервативен пристап.Во текот на истиот ден било наведено дека детето двапати било реинтубирано поради спонтано вадење на цевката за дишење.Нагло влошување на 1 октомври и смртен исходНа 1 октомври состојбата нагло се влошила. Биле повикани детски кардиолог и детски хирург, при што бил поставен дрен поради масивен пнеумоторакс на десното белодробно крило. Паралелно, ултразвучниот преглед регистрирал едем на мозокот.И покрај преземените мерки и кардиопулмоналната реанимација, при која адреналин бил аплициран трипати, состојбата не се стабилизирала. Смртта била констатирана во 19 часот на 1 октомври.Обдукција побарана, извештајот се чекаВо документацијата како официјални причини за смртта се наведуваат масивен пнеумоторакс, белодробен емфизем, едем на мозокот и кардиореспираторна инсуфициенција. Побарана е обдукција од Институтот за патологија при Медицинскиот факултет во Скопје, но извештајот сè уште не е изготвен.Постапки во Клиниката и најави за тужбаРодилката била испишана на 1 октомври по сопствено барање, спротивно на препораката на лекарите. На Клиниката, според документацијата, заседавала и Комисијата за следење и унапредување на квалитетот на здравствената заштита на 14 и на 28 октомври, согласно процедурите.Стручната комисија треба да даде одговор дали постапувањето било согласно медицинските стандарди. Родителите најавија тужба против Клиниката, а случајот го истражува и Јавното обвинителство. Во јавноста претходно се појавија и изјави од две специјализантки кои, во рамки на интерна постапка, тврделе дека имало несоодветно лекување од страна на докторка педијатар на интензивна нега, која по случајот била префрлена на друг оддел.

Македонија | пред 1 седмица

ВМРО-ДПМНЕ обвинува дека СДСМ го злоупотребува случајот со починатото новороденче за политички поени

ВМРО-ДПМНЕ денеска реагираше на изјавите од СДСМ поврзани со случајот на починатото новороденче на Универзитетската клиника за гинекологија и акушерство, обвинувајќи ја опозицијата за, како што велат, политичка злоупотреба на трагичниот настан.Во соопштението се наведува дека СДСМ „се однесуваат како хиени“ и дека, според ВМРО-ДПМНЕ, партијата се радува на „тажна судбина“ со цел да добие дневнополитички поени.„Она што е јасно како бел ден е дека сите неопходни протоколи се преземени и сите надлежни институции се известени“, стои во реакцијата. Од партијата додаваат дека доколку биде утврдена каква било човечка грешка, одговорните ќе бидат санкционирани.Во соопштението ВМРО-ДПМНЕ истакнува дека „нема да биде сокриен никој“ и дека случајот нема да се заташка, како што, според нив, се случувало „во времето кога Филипче беше министер за здравство“.„Тоа е важната разлика помеѓу оваа и претходната влада. Не е во ничиј интерес да се сокрие било што“, се наведува понатаму.Партијата оцени дека, наместо да изрази сочувство до семејството, СДСМ „прави политика од смртта на новороденчето“, што го нарекуваат „за секаква осуда“.

Македонија | пред 1 седмица

СДСМ бара оставка од директорката на ГАК поради смрт на новороденче и наводно прикривање на случајот

Претставничката на Комисијата за здравство на СДСМ, Елена Радеска, денеска побара одговорност од раководството на Клиниката за гинекологија и акушерство (ГАК) во Скопје, по случајот со починато новороденче на интензивна нега. Таа изјави дека постојат сомнежи за лекарска грешка и за обид случајот да биде скриен од јавноста.„Овде не умрело само едно бебе кое го имало целиот живот пред себе, овде умрела вистината, лекарската грижа, моралот и одговорноста“, изјави Радеска, додавајќи дека директорката на клиниката наводно се обидела да не го пријави случајот навреме.Според информациите што ги презентираше, на родителите им било соопштено дека смртта била неизбежна, но внатрешни документи од Клиниката укажувале на поинакви околности. Таа посочи дека постојат писмени пријави од медицински персонал во кои се наведуваат сомнежи за пропусти во лекувањето.Како што истакна Радеска, началничката на интензивна нега пријавила дека несоодветно лекување од страна на педијатарка довело до компликации, при што реинтубацијата на бебето траела 20 минути и во тој период било нанесено телесно оштетување што довело до смртен исход. Радеска рече дека родителите не биле информирани за сомнежите и дека за нив дознале преку медиуми и свиркачи.Таа го постави прашањето за постапувањето на директорката на ГАК, д-р Ирена Алексиовска Папестиев, наведувајќи дека и покрај тоа што била известена за наводните пропусти, два месеца не го информирала никого од надлежните институции.„Ова е огромен скандал кој ја покажува катастрофалната состојба во здравството“, изјави Радеска, барајќи итна оставка на директорката и целосна независна истрага за случајот.Таа порача дека одговорност треба да има за сите инволвирани, без оглед на позицијата, и дека случајот не е политичко, туку морално и професионално прашање.

Македонија | пред 1 седмица

Во светот на медицината не постојат повеќе граници, кажа директорката на ГАК откако денеска 61-годишна жена се породи на Гинекологија

Директорката на Гинеколошка акушерската клиника Ирена Алексиовска Папестиев кажа дека во светот на медицината не постојат повеќе граници и дека медицината во Македонија може да се мери со онаа во светот, откако денеска жена на возраст од 61 година на свет донесе здраво машко бебе.„Во светот на медицината не постојат повеќе граници и дека медицината во Македонија може да се мери со онаа во светот. Ова го говори раѓањето на бебето Петар кое на свет го донесе највозрасната пациентка во нашата држава. Ова пациентка е прва која е останата бремена со сопствена јајце клетка која што била замрзната која добила ин витро третман во нашата држава и целата бременост била следена во нашата држава, а породувањето е извршено на ГАК“, рече Пепестиев.Директорката додаде дека на пациентката е породена со царски рез и истата го роди Петар кој е тежок 2.350 грама и е 48 сантиметри долг.

Македонија | пред 1 година

61-годишна жена го роди своето прво бебе на Гинекологија

61-годишна жена го роди своето прво бебе на Клиниката за гинекологија пред неколку дена во Скопје. Случајот се смета за највозрасната прворотка во Македонија.Според досегашните информации, мајката и бебето се во општа стабилна состојба. Бебето било зачнато со ин витро, објави скопјеинфо.Директорката на Клиниката за гинекологија и акушерство, Ирена Алексиовска Папестиев за денеска на пладне најави повеќе детали.

Македонија | пред 1 година

По 131 ден на ГАК, малата Дуа замина дома

„По 131 ден поминат на ЈЗУ У Клиника за гинекологија и акушерство – Скопје, малата Дуа со солзи радосници ја испративме дома.На 12 март таа се роди во 24-та гестациска недела, со само 520 грама и по повеќе од 4 месеци престој на Одделението за интензивна нега и терапија (ОИНТ), ектремното прематурче си замина како здраво бебе со тежина од 1890 грама.Дуа како вистинска мала дама си замина во фустан од нашата клиника и си отиде со мама и тато во Кичево, кои се пресреќни што конечно нивното прво бебе ќе си го гушкаат во својот дом.Малата Дуа, еден од нашите најголеми борци, овие 4 месеци и 11 дена секојдневно ја добиваше медицинската нега и безграничната љубов од педијатрите, медицинските сестри и од целиот персонал на ОИНТ, кои посветено се бореа заедно со неа.ЈЗУ У ГАК и посакува многу здравје и среќно и безгрижно детство, во надеж дека секогаш ќе ве радуваме си среќни приказни за нашите најмали новородени.“, објавија од ГАК на фејсбук.

Македонија | пред 2 години

Проценката од стручното лице била дека се работи само за знаци на лесна вознемиреност, ГАК за случајот со родилката

Проценката од стручното лице во случајот со родилката била дека се работи само за знаци на лесна вознемиреност, реагираат од скопската клиника за гинекологија.На реакцијата претходи извештајот од вонредниот надзор на Државниот санитарен и здравствен инспекторат кој констатираше пропуст што на 39-годишната жена докрај не и’ била обезбедена психолошка поддршка пред да скокне од прозорецот на гинекологија.Од ГАК објаснуваат дека пациентката која се породи на 28 јуни, два дена по породувањето се пожалила на лесна вознемиреност на медицинскиот персонал во дневна смена од одделот за родилки – Пуерпериум. Според сите протоколи, таа веднаш била видена од психолог и не било нотирано дека пациентката пројавила симптоми кои укажуваат дека постои закана од суицид.Поради веќе утврдените симптоми на лесна вознемиреност, истиот ден бил креиран упат за проценка на натамошната состојба и за евентуалната потреба од дополнителна терапија од страна на психијатар пред исписот од Клиниката.„Напоменуваме, проценката од стручното лице била дека се работи само за знаци на лесна вознемиреност која е честа состојба кај родилките и не е индикација за ургентно да се повика психијатар“, велат од ГАК.Објаснуваат дека ваквата симптоматологија е мошне честа меѓу породените пациентки, а студија на Клиниката покажала дека пројавуваат дури 72 отсто од испитаничките во перинаталниот период, и истата не претставува ургентна состојба за итна потреба од психијатар.Од дежурните служби во текот на викендот кога таа престојувала на ГАК не било рапортирано влошување на нејзината состојба, односно немала знаци за сериозно нарушување на менталната состојба.Пациентката во саботата, ден пред да скокне од прозорецот, направила и соодветен контакт со бебето, што, како што велат од ГАК, е адекватна емотивна реакција кон нејзиното новородено, и што не покажува емоционална состојба која упатува дека родилката ќе направи обид за суицид.На кобниот ден, 2 јули, поради појава на симптоми на лесна вознемиреност, пациентката неколку пати била посетена и бил извршен разговор со дежурниот лекар при што е ординирана соодветна анксиолитична терапија и повторно бил креиран упат за проценка и за евентуална потреба од назначување на третман од страна на специјалист психијатар веднаш по исписот, што било планирано да се случи во понеделникот.

Македонија | пред 2 години

„Самото искуство на породување во државна е ненормално“, „Се чувствуваш како да си стока во штала“, пациентки на ГАК со страшни сведоштва

Докторот Ненад Лазаров, се огласи на Фејсбук по страотниот случај вчера, кога родилка се обиде да се самоубие, фрлајќи се од првиот кат од скопска Гинекологија.Тој вели дека психолошката состојба на родилките, првенствено постпородилната депресија е нешто на што исклучително малку или воопшто не му посветуваме внимание како здравство и како општество.На овој негов статус се огласија жени кои раѓале на Клиниката за гинекологија и акушерство, со своите негативни искуства.

Коментари | пред 2 години