Американската администрација внимателно ја следи ситуацијата во Колумбија по силниот земјотрес што ја погоди земјата, а Вашингтон е подготвен да понуди помош.
Американскиот државен секретар Марко Рубио објави дека администрацијата на Доналд Трамп „внимателно ја следи“ состојбата по земјотресот.
„Соединетите Американски Држави се подготвени да им дадат поддршка на граѓаните на Колумбија“, напиша Рубио на социјалната мрежа „Икс“.
Тој ги повика американските државјани кои во моментот се наоѓаат во Колумбија да ги следат известувањата и препораките на американската амбасада во Богота.
