Рубљата доминира во руската надворешна трговија – нов рекорд од 60%

Учеството на плаќањата во рубљи во надворешно-трговските пресметки на Русија достигнало нов рекорд од 60 отсто во февруари, соопшти Централната банка на Руската Федерација.

— реклама —

Според податоците, уделот на плаќањата во рубљи пораснал од 57,3 отсто во јануари и 58,7 отсто во декември, додека во текот на последните 12 месеци повеќе од половина од сите трансакции за извоз и увоз биле реализирани во националната валута.

— реклама —

— реклама —

Во исто време, уделот на плаќањата во таканаречени „пријателски валути“ се намалил на 26,9 отсто, додека валутите од земји што Москва ги смета за „непријателски“ паднале на 13,1 отсто.

— реклама —

Според Централната банка, ова претставува најнизок удел на западни валути во последните три години, што укажува на продолжена промена во структурата на надворешната трговија на Русија.