Русија и Иран одржаа консултации во Москва

Русија и Иран ја потврдија подготвеноста за натамошно проширување на соработката во рамките на Договорот за сеопфатно стратешко партнерство што двете земји го потпишаа претходно, соопшти руското Министерство за надворешни работи.

— реклама —

Според Москва, за време на разговорите двете страни размениле мислења за состојбата на Јужниот Кавказ, во Средна Азија и околу војната во Украина, но не беа објавени дополнителни детали за содржината на средбата.

— реклама —

Консултациите се одржаа кратко по новата ескалација на Блискиот Исток, каде што тензиите повторно се зголемија по воените судири во кои беа вклучени Иран, САД и Израел.

Русија и за време на конфликтот ги задржува блиските односи со Иран, но истовремено се обидува да се наметне како можен посредник, повикувајќи ги сите страни на воздржаност.

— реклама —

Во меѓувреме, руската дипломатија ја засилува својата активност и на други фронтови. Рускиот министер за надворешни работи Сергеј Лавров во четврток во Манила треба да се сретне со американскиот државен секретар Марко Рубио.

Лавров потврди дека средбата е договорена, а се очекува разговорите да бидат посветени на војната во Украина, пошироките прашања на меѓународната безбедност, како и на односите меѓу САД и Русија. Според американските медиуми, една од темите ќе биде и безбедноста во Ормускиот Теснец.