Русија почна да го извезува новиот проектил што соборува авиони, ракети и дронови

Рускиот државен извозник на оружје „Рособоронекспорт“ почна да им го нуди на странски купувачи новиот проектил воздух-воздух R-77M, познат и како RVV-SDM. Проектилот е дел од извозниот пакет на вооружување за борбениот авион Су-57.

— реклама —

Според компанијата, R-77M е наменет за уништување авиони, хеликоптери, крстосувачки ракети и беспилотни летала, а може да се користи дење и ноќе, во сите временски услови и во средини со силно електронско попречување.

— реклама —

Проектилот располага со активно-пасивен радарски систем за самонаведување, инерциски систем за управување и врска за ажурирање на податоците за време на летот.

— реклама —

Од „Рособоронекспорт“ наведуваат дека, по соодветна интеграција, R-77M би можел да се користи и на други руски и странски борбени авиони, а не само на Су-57.

Според претходни информации, Русија му го понудила ловецот Су-57 и на Индија, но се очекува Њу Делхи да се насочи кон набавка на дополнителни француски авиони „Рафал“ и развој на сопствен авион од петта генерација.