Русија протера две лица поврзани со британската амбасада

Руската Федерална служба за безбедност (ФСБ) денеска соопшти дека на две лица поврзани со британската амбасада во Москва им е наредено да ја напуштат земјата поради разузнавачки активности, јави руската државна новинска агенција ТАСС.

— реклама —

ТАСС ја цитираше ФСБ дека и двете лица намерно дале неточни информации за себе при влегувањето во Русија и дека и двете покажале, како што рече безбедносната служба, „знаци на разузнавачка активност и саботажа“ што ја загрозува руската национална безбедност.

— реклама —

Наводно се работи за втор секретар на амбасадата и сопруг на првата секретарка.

— реклама —

Тие мора да ја напуштат земјата во рок од две недели, пренесе ТАСС.

— реклама —

Руското Министерство за надворешни работи соопшти дека повикало претставник од британската амбасада во Москва.