Заменик-претседателот на Советот за безбедност на Русија, Дмитриј Медведев, денеска изјави дека западните „пријатели“ на Русија станале „уште поблиску“ по успешното тестирање на стратешкиот ракетен систем Сармат.
„Им честитам на сите западни ‘пријатели’ на Русија за успешното тестирање на стратешкиот ракетен систем ‘Сармат’. Сега сите сте ни поблиску“, напиша Медведев на социјалната мрежа Макс, пренесе Спутник.
Од Кремљ соопштија дека рускиот претседател Владимир Путин вчера бил информиран за успешното лансирање на ракетата.
Путин го нарече „Сармат“ најмоќниот ракетен систем во светот.
Рускиот претседател потсети и дека копнениот ракетен систем со среден дострел Орешник, кој може да биде опремен и со нуклеарни боеви глави, ќе биде ставен во борбена готовност од 2025 година.
