Русија во првата половина од 2026 година остварила суфицит на тековната сметка од 34,1 милијарди долари, што е 1,7 пати повеќе во споредба со истиот период минатата година, соопшти Руската централна банка.
Најголемото подобрување било забележано во вториот квартал, кога повисоките цени на суровините, поттикнати од конфликтите на Блискиот Исток, ја зголемиле вредноста на рускиот извоз.
Во првите три месеци од годинава Русија имала суфицит од 12,7 милијарди долари, наспроти 18,3 милијарди долари во истиот период лани. Ситуацијата значително се променила во вториот квартал, кога суфицитот достигнал 21,4 милијарди долари, во споредба со само 2,2 милијарди долари една година претходно.
Растот на вредноста на извозот пред сè се должи на повисоките цени на нафтата, јагленот, ѓубривата, житарките и металите. Според извештајот, обемот на рускиот извоз исто така се зголемил, но значително побавно од неговата вредност.
Руската централна банка во јули ја постави прогнозата за суфицитот на тековната сметка за цела 2026 година на 48 милијарди долари. За годината се очекува извозот на стоки и услуги да достигне 506 милијарди долари, додека увозот би изнесувал околу 436 милијарди долари.
