Најмалку две лица загинаа, а петмина се повредени откако руски дрон утрово нападнал автобус на јавниот превоз во украинскиот град Херсон, соопштија локалните власти.
Според информациите, нападот се случил околу 7 часот по локално време во централниот дел на градот.
Началникот на Херсонската област, Олександр Прокудин, информираше дека руските сили со беспилотно летало го нападнале автобусот што сообраќал низ Централниот округ на Херсон.
Според првичните податоци, во нападот животот го загубиле две лица, додека петмина се здобиле со повреди. Прокудин посочи дека бројот на жртвите и повредените сè уште се проверува.
Овој напад следува само еден ден откако, според украинските власти, маж загинал во уште еден руски напад врз патничко возило во Херсон.
