Сѐ повеќе Швајцарци сметаат дека неутралноста не е доволна и бараат поблиски врски со НАТО

Сѐ поголем број граѓани на Швајцарија поддржуваат зголемување на воените трошоци и посилна соработка со НАТО поради растечките безбедносни закани во Европа, покажува новото истражување на Центарот за безбедносни студии при ЕТХ Цирих.

— реклама —

Истражувањето „Security 2026“ покажа дека чувството на безбедност кај Швајцарците паднало на најниско ниво во последните 20 години. Само 82 проценти од испитаниците изјавиле дека се чувствуваат безбедно, што е за четири процентни поени помалку во споредба со минатата година.

Оптимизмот за глобалната политичка состојба исто така е на рекордно ниско ниво. Речиси една четвртина од анкетираните рекле дека се „многу песимистични“ за меѓународната ситуација, додека само 13 проценти имаат позитивни очекувања.

— реклама —

Во исто време, поддршката за швајцарската армија достигнала највисоко ниво од почетокот на мерењата. Дури 83 проценти сметаат дека армијата и понатаму е неопходна, а поддршката за укинување на задолжителниот воен рок паднала на најниско ниво од крајот на Студената војна.

— реклама —

Речиси една третина од испитаниците поддржува зголемување на воената потрошувачка, што е највисока поддршка од 1986 година наваму.

Војната во Украина влијаела и врз ставовите за традиционалната швајцарска неутралност. Иако 85 проценти и понатаму ја поддржуваат неутралноста, тоа е значителен пад во однос на 2022 година, кога поддршката изнесувала 97 проценти.

Истражувањето покажува и раст на поддршката за поблиска безбедносна соработка со Западот. Повеќе од половина од испитаниците поддржуваат посилни врски со НАТО, а 43 проценти сметаат дека членството во европски одбранбен сојуз би било подобра гаранција за безбедност отколку само неутралноста.