Татко и малолетен син пронајдени мртви во Ватвил, полицијата се сомнева во убиство и самоубиство

Трагичен случај ја потресе Швајцарија, каде што минатиот вторник во сместувачки објект во градот Ватвил биле пронајдени телата на 33-годишен маж и неговиот двеиполгодишен син. Двајцата биле хрватски државјани, а полицијата се сомнева дека станува збор за убиство и самоубиство.

— реклама —

Потрагата започнала откако мајката, која живеела одвоено од таткото, пријавила дека тој не го вратил детето во договореното време. Пријавата била примена во вторникот наутро, по што полицијата во кантонот Санкт Гален веднаш започнала опсежна потрага.

— реклама —

Телата на таткото и детето биле пронајдени доцна навечер во сместувачки објект во Ватвил.

— реклама —

Според првичните сознанија на полицијата, околностите на местото на настанот упатуваат на тоа дека 33-годишниот маж со пиштол го усмртил својот син, а потоа си го одзел животот со истото оружје.

— реклама —

И двајцата биле хрватски државјани со живеалиште во кантонот Санкт Гален. Кантоналното обвинителство спроведува истрага за да се утврдат сите околности на трагичниот настан.