САД бараат од Иран да гарантира безбедна пловидба низ Ормускиот Теснец

Соединетите Американски Држави побараа од Иран јавно да потврди дека Ормускиот Теснец е отворен за меѓународна пловидба и да се обврзе дека ќе ги прекине нападите врз трговските бродови.

— реклама —

Според американските медиуми, пораката до Техеран била пренесена преку регионални посредници, по инцидентите на почетокот на неделата во кои беа нападнати три трговски танкери, што предизвика нова размена на напади меѓу САД и Иран.

— реклама —

Истите извори наведуваат дека ирански претставници, во приватни разговори со членови на администрацијата на американскиот претседател Доналд Трамп, признале дека нападите врз трговските бродови биле грешка. За инцидентите, како што тврдат, ја обвиниле „одметната група тврдокорни структури“, која наводно се обидува да ги саботира преговорите.

Американскиот претседател Доналд Трамп изјави дека нападите врз бродовите значат крај на примирјето меѓу Вашингтон и Техеран, но додаде дека разговорите за ставање крај на конфликтот ќе продолжат.

— реклама —

Од друга страна, иранскиот министер за надворешни работи Абас Арагчи ги обвини Соединетите Американски Држави дека го прекршиле договорот за прекин на огнот.

Според информациите, конфликтот започнал на 28 февруари, кога САД и Израел извршиле напади врз Иран, по што Техеран возвратил со напади врз Израел, американски цели и сојузници на Вашингтон во Персискиот Залив.