САД и Норвешка главни добавувачи на енергија за ЕУ

Вредноста на увозот на сурова нафта во ЕУ порасна 0,8 отсто во споредба со просечното месечно ниво од 2025 година, додека физичкиот обем на увозот е незначително намален, за 0,6 отсто, објави Евростат.

— реклама —

Според податоците на Европскиот статистички завод, Соединетите Американски Држави останаа најголем поединечен добавувач на сурова нафта за Европската Унија, со удел од 17,8 отсто од вкупниот увоз, пред Норвешка со 16,6 отсто и Казахстан со 9,6 отсто.

— реклама —

Истовремено, вредноста на увозот на течен природен гас (ЛНГ) е намалена за осум отсто, иако количината на увезениот ЛНГ порасна 2,9 отсто, што укажува на пониски цени на овој енергент на меѓународниот пазар.

Пад е забележан и кај природниот гас испорачан преку гасоводи, каде вредноста на увозот е намалена 12,7 отсто, а количината за четири отсто.

— реклама —

Кога станува збор за течниот природен гас, повеќе од половина од вкупниот увоз, односно 57,4 отсто, пристигна од Соединетите Американски Држави, додека Русија и Катар учествуваа со 17,3 односно 6,6 отсто.

Норвешка ја задржа водечката позиција како добавувач на природен гас што се транспортира преку гасоводи, со удел од 54,4 отсто, пред Алжир со 18,5 отсто и Русија со 9,8 отсто.