Состојбата со пожарите на отворен простор во државата е значително подобрена. Според најновите информации на Центарот за управување со кризи (ЦУК), до 07:30 часот утрово се регистрирани вкупно 23 пожари, од кои само еден е активен, два се ставени под контрола, а 20 се целосно изгаснати.
Активен останува пожарот во Општина Македонски Брод, кај селото Грешница, на месноста Стојанова Населба, каде што гори ниска вегетација, деградирана шума и грмушки.
Под контрола се пожарите на депонијата во Делчево и кај селото Паталишта во Општина Гостивар, каде што беа зафатени ниска вегетација и нискостеблеста шума.
Во изминатите часови се изгаснати 20 пожари на различни локации низ државата, меѓу кои во општините Босилово, Валандово, Богданци, Гостивар, Желино, Брвеница, Гази Баба, Неготино, Сарај, Карбинци, Штип, Чешиново-Облешево, Ново Село, Кривогаштани, Струга, Македонски Брод, Куманово, Тетово и Долнени.
Надлежните служби и понатаму ја следат состојбата и интервенираат на преостанатите жаришта.
