Само еден активен пожар во Македонија, изгаснати 18 во изминатото деноноќие

Во текот на изминатото деноноќие (5/6 август), до 7:30 часот, на територијата на државата биле регистрирани вкупно 20 пожари на отворен простор, од кои еден е сè уште активен, еден е ставен под контрола, а 18 се целосно изгаснати, информира Центарот за управување со кризи (ЦУК).

— реклама —

Активен останува пожарот во општина Македонски Брод, кај селото Грешница, на месноста Стојанова Населба, каде гори ниска вегетација, деградирана шума и грмушки.

— реклама —

— реклама —

Под контрола е пожарот на депонијата во Делчево.

— реклама —

Во меѓувреме, изгаснати се 18 пожари на повеќе локации низ државата, меѓу кои во Скопје, Битола, Гостивар, Прилеп, Кавадарци, Неготино, Виница, Зрновци, Липково, Кратово, Ранковце, Желино и други општини.