СДС и Филипче се додворуваат на Бугарија и испраќаат порака дека се спремни за ново национално предавство, вели Манасиевски

Членот на Централниот комитет на ВМРО-ДПМНЕ, Валентин Манасиевски на денешната прес-конференција обвини дека СДСМ и нејзиниот лидер Венко Филипче испраќаат пораки дека се подготвени за нови отстапки кон Бугарија на штета на македонските национални интереси.

— реклама —

На прес-конференција, членот на Централниот комитет на ВМРО-ДПМНЕ, Валентин Манасиевски, изјави дека СДСМ нема „црвени линии“ и дека е подготвена да прифати уставни измени без гаранции дека тоа ќе биде последната пречка на европскиот пат на државата.

— реклама —

„Филипче постојано изјавува дека веднаш е подготвен за уставни измени, без гаранции дека тоа би била последната пречка за Македонија“, рече Манасиевски.

Тој оцени дека политиките на Филипче претставуваат продолжение на, како што рече, политиките на поранешниот премиер Зоран Заев.

— реклама —

Во обраќањето беа споменати и Преспански договор, Договорот за добрососедство со Бугарија и Францускиот предлог, кои според ВМРО-ДПМНЕ биле штетни за македонските државни интереси.

— реклама —

Манасиевски истакна дека СДСМ и Филипче повторно се подготвени за, како што наведе, „национални предавства“, додавајќи дека поради тоа партијата ја губи поддршката кај граѓаните.