СДС и Филипче за власт би ја редефинирале македонската историја и идентитет, вели Манасиевски

Членот на Централниот комитет на ВМРО-ДПМНЕ, Валентин Манасиевски, на денешната прес-конференција обвини дека СДС и Венко Филипче, како што рече, би биле подготвени „за власт да ја редефинираат македонската историја и идентитет“.

— реклама —

Манасиевски изјави дека СДС и Филипче „веднаш се подготвени за ново национално предавство“, почнувајќи со најавените уставни измени, кои според него претставуваат политичка отстапка со сериозни последици по државните интереси.

— реклама —

Тој се повика на изјави од бугарски претставници, тврдејќи дека тие не се усогласени со ставовите на СДС, која, според него, не гледа негирање на македонскиот идентитет од страна на Бугарија.

„СДС и Филипче наместо да слугуваат за друга држава, ги повикуваме да размислат колку штета ѝ нанесуваат на државата и на македонскиот народ“, рече Манасиевски.

— реклама —

Тој додаде дека ставовите што ги припишува на СДС се дел од политика која, според него, ја следи линијата на претходното раководство на партијата.

— реклама —

На крајот од обраќањето, Манасиевски оцени дека СДС се движи кон политичка маргинализација, обвинувајќи ја партијата дека единствен мотив ѝ е освојување на власта.