ВМРО-ДПМНЕ преку соопштение реагираше на критиките од СДСМ и Венко Филипче во врска со говорот на премиерот Христијан Мицкоски на одбележувањето на 8 Септември, оценувајќи дека тие сами се препознале во зборовите на премиерот.
Од партијата посочуваат дека Мицкоски во својот говор никаде не ги спомнал ниту СДСМ ниту Венко Филипче како „талог во општеството“.
„Очигледно сами си се препознаа“, велат од ВМРО-ДПМНЕ, додавајќи дека, според нив, станува збор за реакција која ја покажува „фројдовската“ состојба во СДСМ.
Од владејачката партија обвинуваат дека СДСМ, како што наведуваат, е „фабрика за нихилизам и поделби“ и дека дури и прославата на 8 Септември ја користи за создавање поделби и ширење омраза.
ВМРО-ДПМНЕ оценува дека фрустрациите и зависта во СДСМ се на „највисоко ниво“, поради што, како што велат, не се изненадени што претставниците на опозициската партија се препознале во терминот „талог“.
