„СДС, Левица и ДУИ бараат изговори за да го блокираат Изборниот законик, тие не се за реформи туку за политичка блокада“, вели ВМРО-ДПМНЕ

ВМРО-ДПМНЕ преку соопштение обвини дека СДСМ, Левица и ДУИ го блокираат донесувањето на новиот Изборен законик и, според партијата, наместо реформи, се одлучиле за политичка блокада.

— реклама —

Од владејачката партија велат дека претставниците на трите партии со месеци учествувале во разговорите и усогласувањето на законското решение, но се повлекле во моментот кога требало да биде постигнат конечен договор.

— реклама —

„По четири месеци преговори за Изборниот законик, Венко Филипче одеднаш оцени дека се потребни експерти и најде нов изговор за да не се постигне договор“, наведуваат од ВМРО-ДПМНЕ.

Според партијата, блокирањето на Изборниот законик е заеднички потег на СДСМ, Левица и ДУИ, а причината, како што тврдат, е стравот од изборен пораз.

— реклама —

Од ВМРО-ДПМНЕ посочуваат дека остануваат подготвени веднаш да прифатат договор меѓу опозициските партии доколку тоа овозможи да се олесни гласањето на дијаспората.

— реклама —

Во соопштението додаваат дека доколку државата продолжи да функционира со постојниот Изборен законик, одговорноста, според нив, ќе ја сносат СДСМ, Левица и ДУИ.