СДС манипулира со јавноста преку српска ПР машинерија, зад кампањите стојат советници на Заев, вели ВМРО-ДПМНЕ

ВМРО-ДПМНЕ обвини дека СДСМ користи странска ПР инфраструктура за креирање на политичка комуникација и манипулација на јавноста, посочувајќи дека зад активностите стојат лица блиски до поранешниот премиер Зоран Заев.

— реклама —

Од партијата тврдат дека Зоран Башановиќ, поранешен советник на Заев, има клучна улога во ПР тимот на СДСМ и Венко Филипче, како и дека токму Заев стои зад ангажирањето на, како што велат, „надворешна ПР структура“.

Според ВМРО-ДПМНЕ, Филипче неодамна остварил средба во Ниш со Милан Счекич, кој, како што наведуваат, работи во српската ПР агенција „Ај медија“ (Eye Media) и е задолжен за креирање на комуникациите и соопштенијата на СДСМ.

— реклама —

„ПР активностите се координираат од Скопје, каде Башановиќ и Счекич, според нашите информации, се сместени во хотелот ‘Парк’ и од таму го водат центарот за лаги на СДС“, велат од ВМРО-ДПМНЕ.

— реклама —

Партијата додава дека ваквата вклученост на странски ПР структури отвора сериозни прашања за транспарентноста и автентичноста на пораките што ги пласира СДСМ во јавноста.

„Граѓаните заслужуваат вистина, а не конструирани наративи и манипулации. Политичката комуникација треба да се темели на факти и отчетност, а не на сценарија креирани однадвор“, се наведува во соопштението.

— реклама —

Од ВМРО-ДПМНЕ потенцираат дека остануваат посветени на транспарентност и комуникација заснована на интересот на граѓаните.