СДСМ: 5 дена до уште една лага и неисполнето ветување на Мицкоски

СДСМ преку соопштение обвини дека премиерот Христијан Мицкоски нема да го исполни ветувањето за реализација на Реформската агенда и обврските поврзани со европскиот пат на државата до 1 јуни.

— реклама —

Од партијата велат дека остануваат уште пет дена до, како што наведуваат, „уште едно неисполнето ветување и уште една голема лага“ на Мицкоски.

— реклама —

СДСМ обвинува дека власта претходно давала ветувања за враќање на името и поништување на Преспански договор, а сега, според нив, нереално најавува завршување на Реформската агенда за краток рок.

Во соопштението се посочува дека по две години биле делумно реализирани само две точки од агендата, додека остануваат клучните обврски поврзани со уставните измени и внесувањето на малцинствата во Уставот.

— реклама —

Од СДСМ нагласуваат дека без тие измени државата нема да може да продолжи со преговорите со Европска Унија, ниту да отвори нови поглавја и да обезбеди пристап до европски фондови.

— реклама —

Партијата го повика Мицкоски да не ја обвинува Европската Унија за загрозување на македонскиот идентитет, туку јавно да каже дали навистина сака членство во ЕУ.