СДСМ соопшти дека средбата на премиерот Христијан Мицкоски со генералниот секретар на Интерпол треба да биде проследена со конкретни чекори во борбата против организираниот криминал, а не само со изјави.
Од партијата го повикаа Мицкоски, доколку навистина е посветен на справување со криминалот, да побара истрага за случајот со, како што наведуваат, петте тони дрога кои поминале низ македонската граница и царина.
Во соопштението, СДСМ тврди дека дел од дрогата завршила во Србија и побара да се утврди како е можно толкава количина наркотици да ја помине државната граница без знаење на надлежните институции.
Партијата обвинува дека Владата не дава одговори за овој случај и оценува дека наместо декларативна борба против криминалот, потребни се конкретни истраги и одговорност.
Според СДСМ, соработката со Интерпол ќе има вистинска смисла само доколку институциите целосно ги расчистат случаите поврзани со организираниот криминал и ги утврдат сите евентуални одговорности.
