СДСМ преку соопштение побара оставка од обвинителот Ненад Савевски, обвинувајќи дека обвинителството е под директно политичко влијание на премиерот Христијан Мицкоски.
Од СДСМ тврдат дека „премиерот и обвинителот си договараат предмети и тек на истраги по телефон“, додавајќи дека Мицкоски „нарачува, а Савевски испорачува“.
Партијата обвини дека нема реакција од обвинителството за, како што велат, низа сомнителни тендери и кривични пријави поврзани со власта и фирми блиски до неа.
„Нема правда, има контролирано судство и обвинителство лично од Мицкоски“, наведуваат од СДСМ.
Од партијата потсетија дека не го поддржале изборот на Савевски токму поради сомнежи за независноста на обвинителството.
Во соопштението, СДСМ повторно побара формирање европско обвинителство, оценувајќи дека тоа е единствениот начин за враќање на довербата во правосудниот систем.
