СДСМ бара оставка од Тошковски: МВР потфрли во повеќе случаи на насилство

СДСМ го обвини премиерот Христијан Мицкоски дека по секоја цена го брани министерот за внатрешни работи Панче Тошковски, наместо да преземе одговорност за, како што велат, институционалните пропусти во случаи на семејно насилство.

— реклама —

Од партијата посочуваат дека во случајот во Карпош, каде загинаа мајка и дете, имало дури 12 пријави за семејно, физичко и психичко насилство во период од две години, но институциите не реагирале навреме.

— реклама —

— реклама —

СДСМ тврди дека МВР потфрлило и во други случаи, меѓу кои трагедијата во Велес, како и случајот со серискиот убиец во Старо Нагоричане, каде, според нив, две години биле игнорирани пријавите на жителите.

— реклама —

„Не е до пријавите, туку до потфрлањата на МВР кое го води Панче Тошковски. Проблемот почнува од врвот“, велат од СДСМ, барајќи оставка од министерот.