СДСМ бара: Пари за минимална плата од 600 евра наместо за нов авион

СДСМ побара средствата планирани за набавка на нов владин авион да се пренаменат за зголемување на минималната плата на 600 евра.

— реклама —

Од партијата посочуваат дека животот во државата станува сѐ поскап, а работниците, како што наведуваат, тешко ги покриваат основните трошоци. Според нив, синдикалната кошничка во февруари достигнала 67.400 денари, при што едно четиричлено семејство не може да ги покрие потребите ниту со три минимални плати.

— реклама —

СДСМ тврди дека над 200 илјади работници примаат плата под 30.000 денари и дека со сегашното ниво на минималната плата не можат да се покријат трошоците за храна, сметки и други основни потреби.

— реклама —

Во соопштението се упатуваат критики кон премиерот Христијан Мицкоски, со обвинувања за, како што наведуваат, луксузирање на сметка на граѓаните.

— реклама —

Партијата повикува на ребаланс на Буџетот и пренамена на средствата од, како што велат, неприоритетни трошоци кон зголемување на платите, нагласувајќи дека е потребно обезбедување достоинствени примања за работниците.